درسنا النهارده بيتكلم عن
قواعد الافعال ( english verbs )
احنا اخدنا قبل كده فى محاضرات سابقه تمهيد عن قواعد الافعال
ان كل فعل من افعال اللغه الانجليزيه له ثلاثة ازمنه
( الفعل الماضى Past - الفعل المضارع Present - الفعل الامر Imperative )
----------------------------------------
كل ده كان مجرد تمهيد... تعالوا بقى نعرف معلومه مهمه
وهى
الافعال فى اللغه الانجليزيه بتنقسم بحسب ازمنتها الى
وخدوا بالكم ان الازمنه دى هى اللى مستخدمه بالفعل فى الجمل الانجليزيه
( الحاضر Present Tense - الماضى Past Tense - المستقبل Future Tense )
لازم النهارده فى درسنا نعرف معلومه مهمه جدآ
بالراحه كده ركزوا معايا هتلاقوا الموضوع سهل جدآ
طيب ... ايه بقى المعلومه دى
* ان كل زمن من الازمنه اللى فاتت دى ليه اربعة اشكال *
ايه ده يا ميس العمليه كده بقت صعبه من اولها
لالا تعالوا بس بالراحه كده
انا قلت ان كل زمن من الازمنه ليه اربعة اشكال
طيب ايه هما
1- صيغة البسيط Simple Tense
2- صيغة المستمر Progressive (Continuous) Tense
3- صيغة التام Perfect Tense
4- صيغة التام المستمر Perfect Progressive (Continuous) Tense
-----------------------------
يعنى ايه ياميس ؟ يعنى احنا هناخد كل زمن بأشكاله الاربعه ؟؟
ايوة مظبوط كده .
مثال
احنا هناخد مثلا الفعل الماضى
بأشكاله اللى هى
( ماضى بسيط - ماضى مستمر - ماضى تام - ماضى تام مستمر )
وكل الافعال بنفس الطريقه
ياخبر .. ايه ده ده شكلهم هتكون دروس صعبه جدآآ ؟؟
لآلآلآ متخافوش خالص .. الموضوع اسهل مما تتصوروا
يلا بينا بقى نبدأ بسم الله علطول ... نتعرف على افعالنا الثلاثه بأشكالهم الاربعه
-------------------------------
( اولا : صيغ الحاضرPresent Tense كامله )
اولا : الحاضر البسيط Present Simple
يكتب الحاضر البسيط هكذا
* القاعده *
Object + Verb.1 + Subject
Subject ( الفاعل ) + Verb.1 ( الفعل فى التصريف الاول ) + Object ( مفعول به او اسم مجرور )
اخدناهم قبل كده بس النهارده هناخدهم بالتفاصيل
طيب ايه هى استخدامات ( الحاضر البسيط Present Simple )
( يستخدم فى توضيح ان الفعل يكون عاده دائمه او حاله دائمه او فى اثبات اى حقيقه علميه )
يعنى ايه يا ميس ؟؟؟؟ .... هقولك فى الامثله تحت
-----------------------------------------
طيب ... تمام
تعالوا الاول نراجع على حاجه مهمه
* فاكرين *
قولنا قبل كده ان
اذا كان الفاعل ( اسم مفرد - he - she - it )
وقتها لازم نضيف حرف ( s ) وده كان من ضمن قواعد اضافة حرف ال ( s )
واذا كان الفاعل ( اسم جمع - i - we - they - you )
وقتها لا نضيف اى شئ
تمام
تعالو بقى بعد ما راجعنا مع بعض اجزاء من اللى فاتت وكمان اخدنا قاعدة ( الحاضر البسيط Present Simple )
ناخد امثله على القاعده
مثال1
هى تلعب التنس / she plays tennis
اولا : شايفين الفعل ( تلعب ) ؟؟ هو فى صيغة ايه ؟؟؟ ... ايوة تمام ( فى صيغة الحاضر )
ثانيآ : شايفين حرف ال ( s ) اللى مع الفعل ( plays) ؟؟ حطيناه ليه ؟؟؟
ايوة تمام ( علشان الفاعل عندنا she )
طيب يعنى افهم من كده ان القاعده بتاعت ( الحاضر البسيط Present Simple ) اركانها كلها موجوده ؟؟؟
تعالوا نشوف
Subject ( الفاعل ) فى المثال هو ( she )
Verb.1( الفعل فى التصريف الاول ) فى المثال هو ( plays )
Object ( مفعول به ) فى المثال هو tennis
اذآ بالفعل اركان القاعده كلها موجوده معنا فى المثال
----------------------------------
مثال2
انا اعيش فى مدينة القاهره / i live in cairo city
ها تطبيق القاعده بتاعت ( الحاضر البسيط Present Simple ) موجود ؟؟
اهاا بالطبع
Subject فى المثال ــــ ( i )
Verb.1 فى المثال ــــــ ( live )
Object ( اذا جاء اسم مجرور ) فى المثال ـــــــ ( cairo city )
تمام لحد كده ؟؟؟ ... انشاء الله سهل
---------------------------
مثال3
قولنا من ضمن تعريف ( الحاضر البسيط Present Simple ) انه بيدل على ان الفعل عاده دائمه .... تعالوا نشوف فى المثال
هى تلعب التنس / she plays tennis( عاده دائمه .. اذا فرضنا ان الالعاب الرياضيه بتكون عاده دائمه )
---------------------
مثال4
قولنا من ضمن تعريف ( الحاضر البسيط Present Simple ) انه بيدل على ان الفعل حاله دائمه .... تعالوا نشوف فى المثال
الماء يغلى عند 100 درجه مئويه / Water boils at 100c
( حالة الغليان دى حاله دائمه وليس بها نقاش )
----------------------------
مثال5
قولنا من ضمن تعريف ( الحاضر البسيط Present Simple ) انه بيدل على ان الفعل حقيقة علمية .... تعالوا نشوف فى المثال
الأرض تدور حول الشمس / The earth moves around the sun
( دوران الارض حول الشمس حقيقه علميه ليس بها نقاش )
----------------------------------------
اعتقد لحد كده تمام والموضوع سهل انشاء الله
------------------------------
طيب نيجى بقى للجزء الثانى من درسنا النهارده
وهو
ثانيآ : الحاضر المستمر Present Progressive
يكتب الحاضر المستمر هكذا
* قاعدته *
Object ( مفعول به او اسم مجرور) + verb-ing ( فعل + ing ) + ( am-is-are ) +Subject ( فاعل )
* ملحوظه1 *
خدوا بالكم القاعده تقرأ من الشمال لليمين
يعنى نقرأ اولا الفاعل ثم الفعل ثم المفعول به
* ملحوظه 2 *
فى القاعده دى الفعل يتكون من الفعل و ( ing ) يبقى لازم ناخد بالنا كويس من قواعد اضافة ال ( ing ) اللى اخدناهم قبل كده
طيب نيجى بقى لأستخدامات ( الحاضر المستمر Present Progressive )
يستخدم فى اثبات ان الفعل ( عمل يحدث الان او ان الفعل حاله مؤقته او فى تنظيم المستقبل القريب ) وهنفهم كل ده بعد شويه بالامثله
طيب تعالوا الاول نراجع حاجه مهمه
اذا كان الفاعل ( اسم مفرد - he - she - it ) بنضع بعد الفاعل ( is )
اذا كان الفاعل ( اسم جمع - you we - they ) بنضع بعد الفاعل ( are )
اذا كان الفاعل ( i ) بنضع بعد الفاعل ( am )
ناخد امثله على القاعده ( الحاضر المستمر Present Progressive )
----------------------
مثال1
هو يلعب كرة السله / he's playing basketball
شايفين فى المثال ده احنا حطينا ( is ) بعد الفاعل ( he ) طبعآ لأنه اسم مفرد
واحنا قولنا اان من القاعده ان الفاعل بيجى بعده ( am-is-are )
طيب شايفين حروف ( ing ) اللى موجودين بعد الفعل ( playing ) حطيناهم ليه ؟؟
لأن قاعدتنا بتقول ان الفعل لازم يجى بعده علطول ( ing ) ده فى حالة ان الفعل ( حاضر وكمان مستمر )
طيب ناقص ايه ؟؟ المفعول ؟؟ تمام هو فى المثال بيكون ( basketball )
اذآ اركان القاعده كلها موجوده
--------------------------------
مثال2
هم يشاهدون التلفزيون / they're watching the tv
طبعآ المثال واضح بالنسبه لينا
----------------------------
مثال3
قولنا ان الحاضر المستمر يستخدم فى اثبات ان الفعل يحدث الان
هى تشاهد التلفزيون / She's watching the TV ( طبعا هنا الفعل فى الحاضر ومستمر كمان )
واستخدمنا ( is ) مع الضمير ( she )
او فى مثال اخر
أنا أتناول الغداء / I'm having lunch ( هنا برضه الفعل يحدث الان )
واستخدمنا مع الضمير ( i ) الفعل المساعد ( am )
--------------------
مثال4
قولنا ان الحاضر المستمر يستخدم فى اثبات ان الفعل حاله مؤقته
أنا لا أستطيع أن أجد شقة، لذا أنا أسكن مع أخي
I cannot find a flat, so I'm living with my brother
) هنا كلام المتحدث بيتكلم على ان عايش مع اخوه حاله مؤقته ... واضح فى المحادثه )
---------------------------
مثال5
قولنا ان الحاضر المستمر بيستخدم فى تنظيم المستقبل القريب
يعنى ايه ؟؟؟
يعنى مثال انا حاليآ يوم الثلاثاء وانوى السفر يوم الجمعه كمثال
هنا الفعل اللى هقوم بفعله هيكون قريب وليس بعيد
تعالوا نشوف بالمثال
سيسافرون يوم الجمعة / They're traveling on Friday
هنا واضح بالمثال انه بيتكلم فى يوم قريب من يوم الجمعه والحدث هيكون فى المستقبل لكن ( القريب )
-------------------------------
الجزء الثالث من درسنا النهارده هو معلومه مهمه
* معلومه هامه *
هناك افعال فى اللغه الانجليزيه بنسميها
( افعال الحس والادراك State Verbs )
هذه الافعال لا تستخدم اطلاقآ فى صيغة الحاضر المستمر والتام المستمر
انواع هذه الافعال
يتمنى wish - يريد want - يكره hate - يفضلlike اوprefer - يحب love - يعرف know - يصدق believe - يتخيل imagine - يعتقد think - يحتاج need -
يتذكر remember - يفهم understand - يقصد mean - يدرك realize
يبدو seem - يملك own - يرى see - يرجوا hope - يفترض suppose
ينسى forget - يحتوىcontain - يصدر صوتآ sound - يظهر appear - يكون be
------------------------------------
طيب يا ميس مش فاهمين يعنى ازاى مينفعش نستخدم الافعال دى مع الحاضر المستمر والتام المستمر
تعالوا نشوف ده بالامثله
هو يريد أن يشتري كمبيوترا جديدا
لو ترجمناها زى ما هى مكتوبه بالظبط هتكون الترجمه بالشكل ده
He is wanting to buy a new computer
ملاحظين هنا حطينا wanting وانا قلت ان فيه افعال الحس والادراك مينفعش نحطها فى جمل هى ( حاضر مستمر او حاضر تام )
طيب نكتبها ازاى وتكون برضه صح
He wants to buy a new computer
هنا حذفنا الفعل المساعد ( is ) وزودنا حرف ال ( s ) للفعل ( want) وبكده اصبح الفعل عادى وليس بصيغة الحاضر المستمر
--------------------------------
الدرس طويل بس انشاء الله سهل
وكفايه لحد كده وتابعونى المحاضره الجايه
مع الجزء الثانى من ( الحاضر )
( الحاضر التام والحاضر التام المستمر )
اســــتــــنــــونــــــى وتـــــابــــعــــونــــى
بــــالـــــتــــوفـــــيـــــق
--------------------------------------
مستنيه اسئلتكم واستفسارتكم اسفل المشاركه
لا تبخلون على بتعليقاتكم
مع الجزء الثانى من ( الحاضر )
( الحاضر التام والحاضر التام المستمر )
اســــتــــنــــونــــــى وتـــــابــــعــــونــــى
بــــالـــــتــــوفـــــيـــــق
--------------------------------------
مستنيه اسئلتكم واستفسارتكم اسفل المشاركه
لا تبخلون على بتعليقاتكم