الدرس التاسع
( صفات الملكيه Possessive Determiners )
فى درس النهارده ركزوا شويه معايا بس هتلاقوه سهل جدآ
اول حاجه يا جماعه ان فيه فرق بين ضمائر الملكيه وصفات الملكيه
انا دايمآ بذاكر دى لوحدها ودى لوحدها عشان ميختلطش عليا الامر
بس هنا بقى التحدى انى هديلكم الاتنين سوا
طيب يلا بينا نبدأ بسم الله
اولا ليه انا قلت هناخد الاتنين سوا ؟؟؟؟
لأن الاتنين بينهم رابط كبير فى الفهم والترجمه ووضعهم فى الجمله العربيه ممكن يخلينا منقدرش نفرقهم عن بعض
طيب ايه يعنى يا ميس احنا مش فاهمين
تعالوا بينا نتعرف على صفات الملكيه و -ضمائر الملكيه
وبعدين هنربطهم ببعض بأمثله
اولا صفات الملكيه
ببساطه صفات الملكيه دى هى ايه ؟؟؟
هى اى شئ انا بمتلكه بتكلم عنه انه ملكى بس بحط قبله ضمير من الموجودين اسفل
يلا بينا نتعرف عليهم الاول هما ايه
( my - his - her - your - its - our - their )
طيب لحد كد مطلوب منكم ايه ؟؟؟
مطلوب تحفظوهم عن ظهر قلب ... طيب مش نعرف الاول دول جايين منين ؟؟؟
اقولك
فاكره اما كنت بكلمك عن الضمير ( i ) اللى هو معناه ( انا )
( my بمعنى ملكيتى انا )
تمام اكيد فاكراه طيب ركزى معايا فى الحته الجايه دى
طيب انا عاوزه اقول ( انا مدرس... بالانجليزيه iam a teacher )
طيب خلينا اتكلم عن مدرستى اللى هى ملكى هقول ايه . هذه مدرستى بالانجليزيه This is my school )
شوفى هنا اما ترجمتها حطيت ايه ( my ) ليه ؟
عشان دى مدرستى ملكى يعنى
طيب ناخدها بمثال ابسط من كده
عاوزه اقول هذا فستانى .. بالانجليزيه this is my dress
شوفتى هنا عشان بتكلم عن حاجه ملكى حطيت ايه ( my )
وحطيت بعدها الحاجه اللى بتكلم عنها اللى هى الفستان
طيب لو انا عاوزه اتكلم عن كلمات بسيطه هترجمها بكلمه واحده بصى كده معايا
كتابى / my book
خاتمى / my ring
قلمى / my pen
ها فهمتوا انا قصدى ايه ؟؟؟ .. تمام
2 - نيجى بقى للضمير ( his )
فاكرين ( he للى هى بمعنى ( هو ) )
( his بمعنى ملكيته هو )
مثال
هذه مدرسته .. الترجمه this is his school
شايفه ( his ) حطيتها قبل school عشان اقول ان دى مدرسته هو
ولو عاوزه اقولها ككلمات تعالى ناخدها كلمات
مدرسته / his school
كتابه / his book
قلمه / his pen
شوفتى بنشيل الهاء اللى فى اخر الكلمه ونحط مكانها ( his )
3- الضمير ( her )
فاكرين الضمير ( she ) اللى هو بمعنى ( هى )
( her بمعنى ملكيتها هى )
مثال
هذا منزلها .. الترجمه this hi her house
شايفين انا شلت الهاء اللى فى كلمة منزلها وحطتها فى الجمله الانجليزيه ( her ) عشان اقول ان المنزل ملكها هى
طيب ناخدها بكلمات بسيطه للتوضيح
كتابها / her book
قلمها / her pen
تمام لحد كده ؟؟؟ ... تمام انشاء الله
4 - الضمير ( your )
فاكرين الضمير ( you ) اللى هو بمعنى انت
( your بمعنى ملكيتك انت )
مثال
هذا منزلك .. الترجمه this is your house
هنا شلت الكاف اللى فى كلمة منزلك وحطيت مكانها فى الجمله الانجليزيه ( your )
كلمات للتوضيح اكثر
كتابك / your book
قلمك / your pen
اعتقد تمام وسهله خالص
5 - الضمير ( its ) ... فاكرين الضمير ( it اللى هو بمعنى هو او هى لغير العاقل )
( its بمعنى ملكيته او ملكيتها هو او هى بس لغير العاقل )
مثال
هذا منزله .. this is its house
للتوضيح ممكن تكون الجمله مثلا عن بيت للحيوانات
بس انا خليت كل الجمل مشابهة فى الامثله عشان تفهموا قصدى
6 - الضمير ( our ).. فاكرين الضمير (we اللى هو بمعنى نحن )
( our بمعنى ملكيتنا نحن )
مثال
هذا منزلنا.. الترجمه this is our house
هنا شيلنا حرف النون اللى فى كلمة منزلنا وحطينا مكانها فى الجمله الانجليزيه ( our )
مثال للتوضيح اكتر
كتابنا / our book
قلمنا / our pen
تمام كده ؟؟ .. تمام انشاء الله
7 - الضمير ( their ) ... فاكرين الضمير ( they اللى هو بمعنى هم )
( their بمعنى ملكيتهم هم )
مثال
هذا منزلكم .. الترجمه this is their house
احنا هنا شيلنا حرفى الكاف والميم وحطينا بدالهم فى الجممله الانجليزيه الضمير ( their )
مثال كمان بسيط
قلمهم / their pen
كتابهم / their book
اعتقد كده تمام جدآ والموضوع بسيط وسهل
مش هناخد النهارده ضمائر الملكيه عشان نحفظ صفات الملكيه ونقدر نفرق بينهم فتابعونى المحاضره الجايه
كلماتنا النهارده للحفظ .. من النهارده هنمشى زى القاموس عشان نقدر نحصل اكبر قدر ممكن من حفظ الكلمات
هنبدأ بكلمات تبدأ بحرف ال ( A )
قادر / able
تقريبآ / about
فوق / above
يضيف / add
خائف / afraid
بعد / after
مره اخرى / again
عمر / age
جميع / all
دائمآ / always
هواء / air
تابعونى بباقى كلمات حرف ( A ) المحاضره الجايه
بـــالــــتـــوفـــــيـــق