إختصارات الضمائر وبعض المصطلحات فى اللغة الإنجليزية

احنا اتكلمنا فى الدرس اللى فات عن صفات الملكيه وقلتلكم اننا هناخد معاها ضمائر الملكيه ... بس انا قسمتهم على محاضرتين ورا بعض عشان هما مرتبطين ببعض صحيح بس كان لازم افصل بينهم عشان متتلغبطوش فيهم
نيجى بقى لدرسنا النهارده
ضمائر الملكيه ( Possessive Pronouns )
يعنى ايه ضمائر الملكيه ؟؟
هى كلمات منفرده تحل محل صفات الملكيه ويسبقها الاسم الموصوف بها فى الجمله
مش فاهمين ؟؟ ،، طب تعالوا معايا
فى المحاضره اللى فاتت اما كنا بنتكلم عن صفات الملكيه واخدنا عليها مثال
زى مثلا المثال ده
هذا منزلى
this is my house
قلنا ان المتكلم فى المثال ( انا )
يعنى انا بتكلم عن شئ ملكى عشان اعرف الشخص اللى قدامى ان الشئ ده ملكى انا
تعالوا اقربهلكم اكتر ، بصوا المحادثه دى
احمد : لمن هذا المنزل يا على ؟
على : هذا منزلى this is my house
شوفوا هنا احمد سأل وعلى جاوب وقاله ان ده بيته ملكه
تمام ؟؟ .. تمام انشاء الله
اما بقى فى ضمائر الملكيه العكس هو اللى بيتقال... ازاى ؟؟؟
تعالى اقولك بنفس المثال
احمد : اشتريت هذا المنزل يا على هديه انه لك
على : هديه لى ؟؟ شكرآ لك
بصوا هنا الجمله اتغيرت خالص
طيب تعالو نتعرف على ضمائر الملكيه قبل ما ناخد امثله
( mine - yours - his - hers - its - ours - theirs )
فيهم شبه شويه من صفات الملكيه صح ؟؟
الفرق بينهم ان صفات الملكيه : يأتى بعدها الشئ الموصوف
اما ضمائر الملكيه : تأتى بعد الشئ الموصوف
تعالوا بقى ناخدها كأمثله
مثال
1 - الضمير ( mine بمعنى ملكى انا )
هذا المنزل لى : الترجمه / this house is mine
ياااه ده الجمله اختلفت تمامآ
لأ متخافيش دى حاجه بسيطه خالص
شايفه حرفين ( لى ) اللى بعد كلمة المنزل شلناهم وحطينا مكانهم ( mine )
وبس { شوفتوا الموضوع بسيط ازاى }
مثال كمان للتوضيح
هذا القلم لى.. الترجمه / this pen is mine
هذا الكتاب لى... الترجمه / this book is mine
* الخلاصه *
احنا بنشيل لى اللى فى المثال ونحط مكانها فى الجمله الانجليزيه ( mine )
هتفهميها اكتر فى الامثله الجايه عالضمائر الجايه
2 - الضمير ( yours بمعنى ملكك انت )
مثال
هذا المنزل لك .. الترجمه / this house is yours
هنا شيلنا حرفى ( لك ) وحطينا مكانها فى الجمله الانجليزيه ( yours )
مثال للتوضيح اكتر
هذا القلم لك / this pen is yours
هذا الكتاب لك / this book is yours
لك هى yours فى الجمله الانجليزيه
3- الضمير ( his بمعنى ملكه هو )
مثال
هذا المنزل له .. الترجمه / this house is his
ها هنا شيلنا ايه وحطينا ايه ؟؟؟... برافو عليكم
شيلنا حرفى ( له ) وحطينا مكانهم ( his ) فى الجممله الانجليزيه
مثال تانى
هذا القلم له / this pen is his
هذا الكتاب له / this book is his
هنا شيلنا حرفى ( له ) وحطينا مكانها فى الجمله الانجليزيه ( his )
4 - الضمير ( hers بمعنى ملكيتها هى )
مثال
هذا المنزل لها .. الترجمه / this house is hers
مثال تانى
هذا القلم لها / this pen is hers
هذا الكتاب لها / this book is hers
هنا شيلنا حرفى ( ها ) وحطينا مكانها فى الجمله الانجليزيه ( hers )
5 - الضمير ( its بمعنى ملكه او ملكها لغير العاقل )
مثال
هذا المنزل له ( الكلام على شئ غير عاقل )
this house is its
6 - الضمير ( ours بمعنى ملكيتنا نحن )
مثال
هذا المنزل لنا.. الترجمه / this house is ours
مثال كمان
هذا الكتاب لنا / this book is ours
هنا شيلنا حرفى ( نا) وحطينا مكانها فى الجمله الانجليزيه ( ours )
7 - الضمير ( theirs بمعنى ملكهم هم )
مثال
هذا المنزل لهم.. الترجمه / this house is theirs
مثال تانى
هذا الكتاب لهم / this book is theirs
هنا شيلنا حرفى (هم) وحطينا مكانها فى الجمله الانجليزيه ( theirs )
اكيد مفيش اسهل من كده والامثله بسيطه وسهله
طيب تعالوا بقى بموجز بسيط نراجع على الضمائر اللى اخدناهم لغاية دلوقتى
 1- الضمائر الشخصيه
بالترتيب وترجمتهم بالترتيب
فى حالة الرفع : i - you - he - she - it - we - you - they
فى حلة النصب والجر : me - you - him - her - it - us - you - them
نوع الضمير : متكلم مفرد - غائب مفرد - غائب مفرد مذكر - غائب مفرد مؤنث - غائب مفرد غير عاقل - متكلم جمع - مخاطب جمع - غائب جمع
{ ممكن تعملوهم فى جدول بالترتيب ده وتراجعوهم }
2- صفات الملكيه وضمائر الملكيه
ايه الفرق بينهم
صفات الملكيه : يأتى الضمير بعده الشئ المملوك
ضمائر الملكيه : يأتى الشئ المملوك وبعده الضمير
مثال لتوضيح الفرق
( my - mine )
هذا منزلى ____ هذا المنزل لى
this is my house ____ this house is mine
مثال 2
( your - yours )
هذا كتابك ____ هذا الكتاب لك
this is your book ______ this book is yours
---------------------------------------
احنا كده خلصنا الدرس وراجعنا بملخص بسيط على الضمائر السابقه
اتمنى تذاكروهم كويس جدآ تقديرآ لمجهودى
 واتمنى تكونوا استفدتم من الدروس ويكون الشرح بسيط ومفهوم
انشاء الله محاضرتنا الجايه هتكون عن ( جمع الكلمه )
تابعونى الدرس عشان هيكون درس مفيد جدآآآ
ناخد كلماتنا النهارده للحفظ
كلمات تبدأ بحرف ( A )
ضد / against
غضب / anger
اجابه / answer
اى - ايما / any
يظهر - يبدو / appear
يكون للجمع / are
يصل-وصول- تصل / arrive
مثل - كأن / as
يسأل / ask
انا كده خلصت تابعونى المحاضره الجايه وكلمات تبدأ بحرف ( B )
بــــــالـــــــتـــــوفــــيـــــــق