إختصارات الضمائر وبعض المصطلحات فى اللغة الإنجليزية

 

تابع ( الافعال المساعده Auxiliary Verbs )
فى المحاضره اللى فاتت اخدنا الافعال المساعده الابتدائيه
واخدنا منهم بس الفعل المساعد ( be ) ومشتقاته كامله
النهارده هنكمل باقى الافعال المساعده الابتدائيه
وهناخد النهارده
الافعال المساعده ( have - has - had )
وعرفنا فى درس اللى فات ان الافعال دى احيانآ بتكون افعال مساعده واحيانآ افعال عاديه
----------------------------------------
طيب يلا بينا نبدأ بقى بالفعل المساعد
( have )
تصريفه الحاضر بيكون على شكلين
( has - have )
has بناخد معاها دايمآ ( اسم مفرد - he - she - it )
have بناخد معاها دايمآ ( اسم جمع - i - you - we - they )
-----------------------------
اما التصريف الماضى والتصريف الثالث لــ ( have )
فبيكون على شكل واحد
( had )
had بناخد معاها دايمآ ( i - he - she - it - we - they - you )
-----------------------------------

تعالوا بقى نعرف استخدامات كلآ منهم
اولا : الافعال المساعده ( have - has )
تأتى احيانا افعال عاديه معناها ( يملك - لدى - يتناول - يقوم بــ )
هناخد عليهم امثله للتوضيح
هو يملك اصدقاء .... او هو لديه اصدقاء
الترجمه / he has friends
شوفوا هنا انا ليه اخترت الفعل المساعد ( has )؟؟؟؟؟؟
تمام عشان الفاعل هنا ( he ) ... وطبعآ جزء من تكوين الجمله ان الفعل المساعد ( has )
بنستخدمه مع الضمير ( he )
هاااااااا تمام ؟؟؟ ... لأ ؟؟؟ ... طيب تعالوا ناخد امثله كمان
مثال2
انا املك اصدقاء .... او انا لدى اصدقاء
الترجمه / i have friends
ها اخدتم بالكم ــــ هنا حطينا مع الضمير ( i ) الفعل المساعد ( have )
مثال3
هم يملكون اصدقاء ........ او هم لديهم اصدقاء
الترجمه / they have friends
برضه هنا اخدنا مع الضمير ( they ) الفعل المساعد ( have )
----------------------
طيب وايه كمان يا ميس من ضمن استخدامات الافعال ( have - has )
تستخدم كفعل عادى يأتى بعده مباشرة ( to )  بمعنى ( يجب على )
مثال
يجب عليها ان تذهب الان
الترجمه / she has to go now
ها مين فهم المثال ده يشرحوا ؟؟؟
تمام اظن بقى سهل علينا
فى المثال ده احنا اولا مع الضمير ( she ) اخدنا طبعآ ( has ) لأن ده من قواعدنا
وكمان شايفين كلمة ( يجب عليها ) دى يقابلها فى الجمله الانجليزيه ( has to )
---------------------------------
مثال2
يجب علينا ان نذهب الآن
الترجمه / we have to go now
هنا طبعآ جملتنا اتكونت من الضمير ( we ) والفعل ( have to )
وطبعآ كلمة ( يجب علينا ان ) يقابلها بالانجليزيه ( have to )
------------------------------------
لحد كده تمام ؟؟؟ ....... تمام انشاء الله
نيجى بقى للفعل المساعد ( had )
تعريفه
هو فعلا عاديآ وهو الماضى للفعلين ( have - has )
بمعنى ( كان لدى - تناول - قام بــــ )
مثال1
هم كانوا لديهم اصدقاء
الترجمه / they had friends
طبعآ خلاص بقينا فاهمين ليه استخدمنا هنا الفعل ( had )
مثال2
انت كان لديك اصدقاء
الترجمه / you had friends
* ملحوظه1 *
خدوا بالكم يا جماعه ان كلمة يمتلك فى اللغه الانجليزيه بعنى ( own )
هو امتلك سياره / he owned acar
طيب ليه كتبتلكم القاعده دى عشان تقدروا تفرقوا بين الفعل العادى والافعال المساعده
* ملحوظه2 *
من ضمن تطبيقات قواعد اضافة ( s - ed - ing ) على الافعال المساعده
ان
have + ing تكتب هكذا ــــــ having
have + s تكتب هكذا ــــــ has
have + ed تكتب هكذا ــــــ had
--------------------------------------

اترك لكم التعليق على المحاضره 

او لو ليك اى سؤال انا على اتم الاستعداد لشرح اى سؤال فى المحاضره او خارج المحاضره

اسعدونى بمشاركتكم بالاسئله

--------------------------------------------

تابعونى المحاضره الجايه مع الفعل ( do ) ومشتقاته
اســـــتــــنــــونــــى وتـــــابــــعـــــونــــى
بـــــالـــــتـــــوفـــيــــق