إختصارات الضمائر وبعض المصطلحات فى اللغة الإنجليزية

الدرس الثانى عشر
درسنا النهارده بيتكلم عن
جملة اللغه الانجليزيه
بصوا بقى ركزوا معايا النهارده لأن درسنا طويل شويه ومحتاج تركيز
ندخل فى الدرس علطول
بسم الله
اولا وقبل ما ناخد الجمله الانجليزيه كان لازم ناخد قاعده مهمة فى قواعد الجمع او اضافة حرف ال ( s )
وهى ايه * القاعده *
هناك استثناءت فى الجمع فى كلمات اللغه الانجليزيه هى ايه ؟؟؟
مثال
رجل man تجمع هكذا men
امرأة woman تجمع هكذا women
قدم foot تجمع هكذا feet
فأر mouse وتجمع هكذا mice
طفل child وتجمع هكذا children
etc الخ
وبالجزء ده نكون اخدنا كل قواعد الجمع
----------------------------------------------
جملة اللغه الانجليزيه
طبعآ كلنا عارفين ان فى اللغه العربيه فيه نوعين من الجمل ( اسميه وفعليه )
تمام ؟؟ تمام
لكن فى اللغه الانجليزيه مفيش غير نوع واحد بس من الجمل هى ( الجمله الفعليه ) فقط
طيب بتتكون من ايه الجمله الانجليزيه دى ( فى الحاله العاديه للجمله )
بالترتيب
فاعل + فعل (  التصريف الاول ) + مفعول به او ( اسم مجرور او صفه او ظرف
* القاعده *
فاعل ( Subject ) + فعل ( Verb.1 ) + مفعول به ( Object )
طيب احنا فى الفقره السابقه مش مطلوب منا نعرف غير تكوين الجمله الفعليه فقط
الشرح
الفاعل : طبعآ كلنا عارفينه سواء كان اسم علم او ضمير وخلاص كلكم بقيتم شاطرين فى صفات الملكيه وضمائر الملكيه واسماء العلم
الفعل : برضه عرفناه قبل كده هو اى كلمة بيكون فيها حركة .... طيب ايه كلمة  (التصريف الاول ) دى يا ميس ؟؟؟ ... هقولهالك بس فى محاضرات جايه مش دلوقتى عشان منتوهش من بعض
المفعول به : هى الاداة اللى بيستخدمها الفاعل فى فعله وكلنا درسنا الكلام ده فى اللغه العربيه
طيب ايه ( اسم مجرور او صفه او ظرف ) اللى مكتوبه جنبها ؟؟؟
يعنى مقصود انى اقولك // ان ممكن المفعول به ميكونش اداة للفاعل
لأ ده ممكن يكون ظرف او صفه
مش فاهميييييين اى حاااااجه
طب بس بالراحه تعالى كده هقولك
مثال 1
احمد يأكل التفاح :: الترجمه // ahmad eats apples
الفاعل : ahmad ـــ الفعل : eat ـــــ المفعول به : apples
طيب هنا فى كلمة ( eat ) حطينالها حرف ال ( s ) ليه ؟؟؟
هقولك كمان شويه اهو انا عارفه اللى بتفكرى فيه
مثال 2
هم يلعبون كرة القدم :: الترجمه // They play football
الفاعل : they ــــ الفعل : play ـــــ المفعول به : football
تمام لحد كده ؟؟؟ ... تمام
-----------------------------------
طيب لو جه المفعول به ظرف او صفه مثال
هو ذكى :: الترجمه // He is smart
شوفتى الفاعل موجود بس المفعول به صفه
المبنى هناك : الترجمه // the building is there
هنا المفعول به ظرف مكان
--------------------------------------------
طيب بما اننا اتعودنا على القواعد لازم طبعآ ناخد قاعدتنا النهارده
* القاعده *
1 - اذا كان الفاعل ايآ من هؤلاء : اسم مفرد ـ او he ـ او she ـ او it
يضاف لأخر الفعل حرف ال ( s  ) وطبعآ ناخد بالنا وقتها من قواعد اضافة حرف ال ( s ) اللى اخدناها المحاضره اللى فاتت
زى ايـــــــــه
احمد ياكل التفاح
ahmad eats apples
فاكراه المثال ده ؟؟ اخدناه من شويه
شوفتى هنا ضيفنا ايه؟ حرف ال ( s ) علشان ( احمد ) اسم مفرد
------------------------------------------
2 - اذا كان الفاعل ايآ من هؤلاء : i - they - we - you  - اسم جمع
لا يضاف للفعل اى شئ
امثله على المحاضره
القطط تلعب فى الشارع او تلعب القطط فى الشارع
اتفقنا انه مفيش فرق طبعآ
Cats play in a street
اولا : فى الجمله دى احنا حطينا اداة تنكير اللى هى حرف ال ( a ) ده اذا كان الشارع غير معروف اكيد
ثانيآ : لاحظى هنا محطيناش حرف ال ( s ) للفعل ( play ) لييه ؟؟ لأن الفاعل اسم جمع اللى هو ( cats )
مثال 2
هو يشرب الماء ــــ هنا الفاعل ضمير مستتر تقديره هو
he drinks water
لاحظى هنا حطينا حرف ال ( s ) للفعل لأن الفاعل ضمير ( he )
وملاحظتيش حاجه كمان فى الجمله دى ؟؟؟؟
هااااا لسه بتفكرى
برافو عليكى
محطيناش اداة تنكير ( a - an ) لكلمة ( water )
لأن الماء غير قابل للعد
اعتقد لحد كده تمام ؟؟؟ .. تمام انشاء الله
-----------------------------------------------
نيجى بقى لتكوين الجمله فى ( حالة الامر )
احنا كل اللى فات ده كان فى الحاله العاديه
طيب فى حالة الامر ؟؟؟
* القاعده *
تتكون جملة اللغه الانجليزيه فى حالة الامر من
الفعل ( التصريف الاول ) + مفعول به اووو اسم مجرور
الترجمه
 الفعل Verb.1  +  Object المفعول به
ودى هناخد عليها امثله علطول
امثله
اشرب الماء / الترجمه ـــ drink water علطول هنلاقى الجمله من جزءين فقط
الفعل والمفعول به اللى هما ايه
الفعل ( الامر طبعآ ) drink
المفعول به water
مثال2
تناولوا الغداء / الترجمه have lunch بصى هنا انا قصدت احطلك الكلام مش بس على مفرد لأ اتكلمت عن مجموعه وقلت ( تناولوا )
طبعآ have الفعل ـــــ lunch المفعول به
مثال 3
افعل ما تريد / الترجمه ــــ do whatever you want
الفعل do ـــــ المفعول به whatever you want
وهنا بقى كلمة افعل حطينالها الكلمة ( do ) وبرضه بتدل على الفعل
ولو عاوزة انفى اى جمله هحط ايه ؟؟؟
( Don't) وانشاء الله بعدين هناخد النفى
----------------------------------------------
نيجى بقى لأختصارات الضمائر مع ( is )
بصى كده معايا
he is تكتب He's
She is تكتب She's
It is  تكتب  It's
مثال // ahmad is  تكتب ahmad's

وهنا يمكن الاختصاربشرط أن يكون الفاعل ضمير رفع فقط
You are  وتكتب You're
They are وتكتب They're
We are وتكتب We're
I am وتكتب i'm
مثال // هم اذكياء ،،، They're smart
------------------------------------------
مش هناخد كلمات النهارده عشان الدرس طويل وطبعآ كل كلمة فيه حفظ                 
اســــتـــنــونـــى وتـــــابـــعـــونـــى
بـــــالــــتـــوفــــيــــق