شرح الضمائر الانعكاسيه + ضمائر الاشارة

النهارده هناخد نوعين من الضمائر
( الضمائر الانعكاسيه Reflexive Pronouns )
(ضمائر الاشارة Demonstrative Pronouns )
طيب ليه هناخد النوعين دول فى درس واحد ؟؟
لأنهم اسهل ما يمكن
تعالى ركزى معايا بس كده وكل حاجه هتكون تمام انشاء الله
نبدأ بسم الله
اولا : الضمائر الانعكاسيه Reflexive Pronouns
يستخدم للتعبير عن المفعول به عندما يكون هو نفسه الفاعل
ويوضح فى الجملة بأضافة المقطع self
دى طبعآ القاعده
تعالى اقولك بقى الشرح
احنا من زمان كانوا بيقولولنا كلمة شهيرة جدآ لو طلبنا من حد يعملنا خدمة
كان الرد الشهير بأييييييه ؟؟
ايوة بالظبط help your self
كان معناها ايه ( اخدم نفسك بنفسك )
شايفين كلمة ( بنفسك ) دى هى your self
هااا قربت توضح الصورة شويه ؟؟؟... لأ ؟ ... طب تعالى نعرفها اكتر
اولا خلينا نتفق ان فى الضمائر الانعكاسيه دى مش هتخلو من كلمة ( self )
بمعنى ( نفسهم - نفسه - نفسها ... etc )
طيب محدش سألنى هى ليه اسمها انعكاسيه ؟؟؟
اقولك :: عشان الفعل دايمآ بيعود على فاعله والفاعل هو نفسه المفعول به ايآ كان ( متكلم او مخاطب او غائب )
تعالوا ناخد الضمائر ونتعرف عليهم
صيغة ( المتكلم ) : فى المفرد ( my self ) ـــــ فى الجمع ( ourselves )
صيغة ( المخاطب ) : فى المفرد ( yourself ) ــــــ فى الجمع ( yourselves )
صيغة ( الغائب ) : فى المفرد ( himself - herself - itself ) ـــــ فى الجمع ( themselves )
طيب كده عرفناهم وحفظناهم ناخد امثله عليهم
مثال 1
هو يتكلم مع نفسه / الترجمه ـــ He is talking to himself
شايفين كلمة نفسه احنا ترجمناها بأيه ؟؟؟ صح كده ( himself )
مثال2
هى جرحت نفسها فى الحديقه / الترجمه ـــــ she hurt herself in the garden
شايفين هنا بقى ترجمنا كلمة نفسها بكلمة ( herself )
طيب لاحظتوا ايه فى الامثله
ايوة تمام كده ( المفعول به هو نفسه الفاعل )
تمام لحد كده ؟؟؟ ... تمام انشاء الله
---------------------------------------------
نيجى بقى للجزء الثانى من محاضرتنا النهارده
ثانيآ : ضمائر الاشارة Demonstrative Pronouns
هى تقال عن اسم أو شخص سبق ذكره
طيب هما ايه الضمائر دى
اولا هنقسمهم لمفرد بعيد وقريب و جمع بعيد وقريب ــــ يعنى ايه ؟؟؟ تعالى نتعرف عليهم الاول
( this ) للمفرد القريب: بمعنى هذا او هذه ( للمذكر والمؤنث وغير العاقل ) ونستخدم معها ( is )
( that ) للمفرد البعيد : بمعنى ذلك وتلك وذاك ( للمذكر والمؤنث وغير العاقل ) ونستخدم معها ( is )
----------------
( these ) للجمع القريب : بمعنى هذه ( للمذكر والمؤنث وغير العاقل ) ولكن للجمع فقط ونستخدم معها ( are )
( those ) للجمع البعيد : للجمع البعيد : بمعنى اولئك ( للمذكر والمؤنث وغير العاقل ) ولكن للجمع فقط ونستخدم معها ( are )
----------------
تعالوا ناخد امثله هنفهمهم اكتر
مثال1
هذه طاولة / الترجمه ـــ this is table
هنا استخدمنا this لأن احنا شايفين الطاولة قريبه مننا واحنا بنوصفها وكمان مفرده
مثال 2
ذلك هو اخى / الترجمه ــــــ that is my brother
هنا استخدمنا that ومعها ( is )
مثال3
هذه الكتب لك / الترجمه ــــــ these books are yours
هنا لاحظتوا ايه ؟؟؟ استخدمنا these ومعها are واستخدمنا ضمير الملكيه yours
مثال4
اولئك هم اصدقائى / الترجمه ــــ those are my friends
هنا حطينا those ومعها are ــــ وكمان استخدمنا صفة الملكيه my
تمام لحد كده ؟؟؟ ... تمام انشاء الله
--------------------------------------
ناخد تطبيق بسيط عالمحاضره

-----------------------------------
الشمس ــــ ماذا نستخدم معها ( this or that )

Translate sentences بمعنى ترجم الجمل

-------------------------
هذه صديقتى ( ...................... )
هذا القمر جميل ( .................... )

------------------------------
انا كده خلصت وانشاء الله هناخد المحاضره الجايه ( ضمائر الاستفهام )
اســـــتــــنــــــونـــــى وتــــــابـــــعـــــونــــــــى
بـــــالـــــتـــــوفــــيـــق