ما هو التصريف الثالث للفعل فى اللغة الانجليزية ؟

الدرس الثالث عشر
مبدأيآ لازم انوه ان درس النهارده صعب الى حد ما
فاركزو معايا كده وهتلاقوه سهل جدآآآآآ
نبدأ بسم الله
درسنا النهارده اسمه
( قواعد اضافة ing )

درس النهاردة بالظبط زى قواعد اضافة حرف ال ( s ) بالظبط
طيب هما ايه اصلا الحروف دى

(ing ) هما حروف عادية جدآ بنضيفهم لأزمنه معينه للأفعال
بأختصار بتتحط لكل فعل بيكون حدث بس مازال ليه توابع او ( مستمر )
طيب ما حضرتك يا ميس معرفتيناش الازمنه دى هنعمل ايه ؟؟؟؟
ولا اى حاجه مش مطلوب منك حاليآ غير انك تعرفى اساميهم وتعرفى تربطى بينهم وبين اضافة ال ( ing )
بسسسسسسس تعالى هنا هقولك تانى وبأختصار
الازمنه اللى بيتحطلها ال ( ing )
هى
( الحاضر المستمر - الماضى المستمر - المستقبل المستمر - التام المستمر )
هــــا وضحت الصورة شويه ؟؟؟
لأ لسه ... طب تعالى
شايفه الازمنه اللى فاتت دى ؟؟؟ ملاحظه فيهم ايه ؟؟؟
ايوة صح كلهم بيتكلموا عن الحدث ( المستمر )
* القاعده 1 *
احنا بقى بنحط حروف ال ( ing ) لكل حدث بيكون فى الازمنه اللى فاتت دى
هندرسهم كلهم بالتفصيل بعدين
مش مطلوب منك غير انك تعرفيهم حاليآ معرفه كده من بعيد لبعيد
عشان بس نعرف امتى نحط ال ( ing )
* القاعده 2 *
ممكن برضه نحط ال ( ing ) عشان نحول الفعل (لصفه او اسم )
ازاااى ؟؟
مثال 1
يفتقد miss ده فعل صح ؟؟ طيب لو حطيناله ال ( ing ) ؟؟؟
هيكون ( مفقود وده  "صفه طبعآ" ) missing
مثال 2
 feel + ing(يشعر ) ده فعل طبعا
هيصبح
شعور ( وده اسم طبعآ ) feeling
--------------------------------------------
* قاعده 2 *
اذا كانت الكلمه منتهيه بالحرف ( e ) يسبقه حرف ساكن
عند اضافة ال ( ing ) نحذف حرف ال ( e ) ونضيف ال ( ing )
مثال
جاء come بأضافة + ( ing ) تصبح يأتى ( coming )
شوفى هنا حذفنا حرف ال ( e ) وضيفنا ال ( ing )
الاستثناء فى القاعده دى
الفعل (be) عند اضافة ال ( ing ) يصبح ( being ) ... هنا لم نحذف ال ( ing )
* القاعده 3 *
اذا كانت الكلمه منتهيه بالحروف ( ie )
عند اضافة ال ( ing ) نحذف الحرفين ( ie ) ونضع فى اخر الكلمه الحروف ( ying )
مثال
يكذب ( lie ) بأضافة ال ( ing ) تصبح الكلمة ( lying )
* القاعده 4 *
اذا كانت الكلمه منتهيه بحرف ساكن + حرف صوتى متحرك + حرف ساكن
فى هذه الحاله نضاعف الحرف الاخير بزياده ( ing )
امثله
run + ing  تصبح running هنا ضاعفنا الحرف ( n ) + ( ing )
stop + ing  تصبح stopping وهنا ضاعفنا الحرف ( p ) + ( ing )
plan + ing  تصبح planning وهنا ضاعفنا الحرف ( n ) + ( ing )
اعتقد كده الامثله واضحه
---------------------------------------
طيب يا ميس انا مفهمتش انا امتى هستعمل الحروف دى وهتفيدنى فى ايه وانا لسه مدرستش الازمنه ؟

هقولك .. انتى مش مطلوب منك حاجه غير انك بس تعرفى القواعد معرفه سطحيه وبعدين اما تاخدى الازمنه هتعرفى انا ليه اديتك قواعد اضافة ال ( ing )
وكمان عشان تعرفى ان اى كلمة موجود فيها الثلاث حروف دول تعرفى ان الفعل ده فى المستقبل
تمام لحد كده ؟؟؟؟ تمام انشاء الله
---------------------------------------
دلوقتى هناخد قواعد اضافة ال ( ed )
هنا نفس الكلام بالظبط كأننا بنتكلم عن ال ( ing ) مع اختلاف استعمالها فى الازمنه
ازاى ؟؟
تعالى اقولك
* القاعده 1 *
تضاف ال ( ed ) للأفعال عندما تكون الجمله فى هذه الازمنه
( الحاضر التام - الماضى البسيط - الماضى التام - المستقبل التام - التام المستمر )
واحيانا فى صيغة المبنى للمجهول - واحيانا لتحويل بعض الكلمات الى صفه
ومش مطلوب منك حاجه غير انك تعرفى القاعده بس كمعلومه عامه
طيب نيجى بقى لوضع ال ( ed ) فى نهاية الكلمات
---------------------------------------------

* القاعده *
1 - اذا كانت الكلمه منهيه بالحرف ( e )  عند اضافة الحرفين ( ed )نقوم بحذف الحرف ( e ) ونضيف الحروف ( ed )
مثال
like  تصبح liked هنا حذفنا الحرف ( e ) واضفنا الحروف ( ed )
use  تصبح used هنا حذفنا حرف ال ( e ) اللى فى اخر الكلمه وزودنا الحرفين ( ed )
-------------------------------
2 - اذا كانت الكلمه منتهيه بالحرف ( y ) يسبقه (حرف ساكن )
عند اضافة الحرفين ( ed ) نقوم بحذف حرف ال ( y ) ونضيف الحروف ( ied )
مثال
study + ed  تصبح studied هنا حذفنا حرف ( y ) واضفنا الحروف ( ied )
------------------------------
3 - اذا كانت الكلمه منتهيه بالحروف ( w ) او ( y ) يسبقه حرف صوتى متحرك
عند اضافة ال ( ed ) لا نحذف اى حرف ولا نضاعف اى حرف
مثال
play + ed  تصبح played هنا لم نحذف اى حرف ولم نضاعف اى حرف
------------------------
4 - اذا كانت الكلمه منتهيه بحرف ساكن + حرف متحرك + حرف ساكن
عند اضافة الحروف ( ed ) فى هذه الحاله نضاعف الحرف الاخير ونزود له الحرفين ( ed )
مثال
plan  + ed تصبح planned وهنا ضاعفنا حرف ال ( n ) وزودنا الحرفين ( ed )
stop  + ed تصبح stopped وهنا ضاعفنا الحرف ( p ) وزودنا الحرفين ( ed )
---------------------------------
احنا كده خلصنا درسنا النهارده
مش هناخد مع الدرس كلمات
بس هناخد تطبيق عالدرس عشان اللى هيذاكر يعرف انا بس عاوزة اقول ايه فى الدرس ده
لو عرفتى تحلى التطبيق ده يبقى انتى كده فهمتى الدرس 100 %
تعالو بقى ناخد التطبيق بتاعنا
-----------------------------
Select the ONE lettered answer that is BEST in each
 question:
ترجمة رأس السؤال ده : اختارى اجابه واحده فقط
الاسئله  

 1-  run + -ed
runned a-
runed b-
runied c-
None of all above -
---------------------
2 -  :love + -ing
loving a -
loveing b -
lovving c -
None of all above d -
لو عرفتى الاجابات الصح يبقى فهمتى الدرس كويس
واتمنى انك متبصيش عالتطبيق غير اما تحفظى الدرس كويس
والمحاضره الجايه هناخد امتحان كامل على كل الدروس اللى فاتت
 تــــابــــعـــونـــــى واســــتـــنــــونــــى
بـــــالــــتـــوفــــيـــــق