JavaScript is not enabled!...Please enable javascript in your browser

جافا سكريبت غير ممكن! ... الرجاء تفعيل الجافا سكريبت في متصفحك.

-->
Home

الجمع فى اللغه الانجليزيه - قواعد اضافة الـ S

الدرس الحادى عشر
قواعد اضافة ال ( S )
اى الجمع فى اللغه الانجليزيه
نبدأ الدرس علطول بسم الله


الموضوع ببساطه ان جمع الكلمه اى كلمة فى اللغه الانجليزيه مش بيتم الا بأضافة حرف ال ( S )

يعنى ايه يا ميس

تعالى هنا وخليكى معايا ركزى بس وهتلاقى الموضوع بسيط

هقولك مثال

كلمة ( كرة- BALL )

جمعها (كرات - BALLS )

شوفتى ايه ؟؟؟ ايوه صح انا حطيت حرف ال ( S ) زياده على كلمة (BALL )

يعنى ايه الخلاصه

يعنى عشان اجمع اى كلمه فى اللغه الانجليزيه بزودلها بس حرف ال ( S )

وخلاص ... فيه ابسط من كده ؟؟؟ .. لأ انشاء الله

بسسسسس ... بس ايه ؟؟؟ تعالى اقولك فى كلمة ( BALL ) حطينالها ( S ) بس عشان بتنتهى بحرف ( L ) .. يعنى ايه ؟؟ هو لو انتهت بحاجه تانيه مش هحط لها ( S ) ؟؟؟ .. ايوة فعلا .. ازاى ؟؟؟ تعالى اقولك

اولا هناخد امثله تانيه على اضافة حرف ال ( S ) فقط

وبعدين ناخد القاعده

قلم - pen*** اقلام - pens

كتاب - book *** كتب - books

فنجان - cup *** فناجين - cups

---------------------------------------

اتوبيس - bus *** اتوبيسات - buss ( خــــطـــأ )

ليه يا ميس كده ؟؟ احنا كنا ماشين والموضوع جميل وسهل

تعالى اقولك

كلمة ( bus ) منتهيه بأيه ؟؟ بسيطه منتهيه بحرف ال ( s )

طيب يرضيكى احط حرفين ال ( ss ) كده ؟؟؟

امال ايه بس حيرتينا

ولا حيره ولا حاجه كل حاجه فى الدنيا ليها قواعد

تعالى اقولك القاعده

 * القاعده *

فى اللغه الانجليزيه لا يوجد للكلمة مثنى ولكن يوجد لها مفرد وجمع فقط

تضاف ( s ) للأسماء القابله للعد فتصبح جمعآ

وخدوا بالكم انا بقول القابله للعد

وطبعا الجمع بيكون فى كل شئ ماعدا اسماء العلم وعرفنا هما ايه فى محاضرات سابقه

----------------------------



1 - اذا كانت الكلمه منتهيه بأحد الحروف الاتيه نضيف ( es ) بدلا من ( s )

الحروف هى : z - sh - ch - s - ss - x

مثال : اتوبيسات ـــــ تكتب buses وليس buss

مثال2: سندوتشات ـــــــ تكتب Sandwiches وليس Sandwichs

------------------------

2 - اذا كانت الكلمه منتهيه بأحد الحروف ( f - fe )... عند اضافة ( s ) الجمع ــــ

 نقوم بحذف ال ( f او fe ) ونضع مكانهم ( ves )

مثال1 : زوجات ــــــ تكتب wives وليس wifes

مثال2 : سكاكين ــــــ تكتب Knives وليس knifes

---------------------------------

3 - اذا كانت الكلمه منتهيه بحرف ال ( O ) يسبقه حرف ساكن عند اضافة ال ( s ) نضيف ( es ) بدلا من ( s )

مثال : يفعل ــــــ does وليس dos

باستثناء الكلمات الاتيه

كيلوات: kilos ـــ فيديوهات : videos ـــــ صور : photos ــــ بيانو : pianos

---------------------------

4 - اذا كانت الكلمه منتهيه بحرف ال ( y ) يسبقه حرف ساكن عند اضافة حرف ال ( s ) نحذف ال ( y ) ونضيف ( ies )

مثال : يبكون ــــ تكتب cries وليس crys

--------------------------

* تنويه مره تانيه *

قلنا ان الجمع مش بيكون لأسماء العلم زى احمد ahmad

لا يصح ان نقول ahmads

وكمان الجمع لا يجوز فى الاشياء الغير قابله للعد زى ايه

ماء water لا يجوز ان نقول waters

تمام كده ؟؟؟ تمام انشاء الله

ناخد كلماتنا النهارده وخدوا بالكم كل كلمه من اللى فات حـــــفــــظ
  كلمات تبدأ بحرف ال ( B )

رضيع / baby

خلف / back

سئ ـ ردئ / bad

بنك / bank

قضيب / bar

اساس - قاعده / base

مضرب - خفاش / bat

يحمل - تلد / bear

يكون - يصبح / be

يهزم-يضرب-يتغلب / beat

انا كده خلصت وتابعونى المحاضره الجايه هناخد ( جملة اللغه الانجليزيه )

وقواعد اضافة ال ( ing و كمان ال ed )

وهنكمل باقى كلماتنا اللى بتبدأ بحرف ال ( B )

اســتـــنـــونـــى وتـــابـــعـــونــى

بــــالــــتـــوفـــيـــق
author-img

Nada Ahmed

Comments
No comments
Post a Comment
    NameEmailMessage