شرح ضمائر الاستفهام + وضمائر الوصل

اتكلمنا فى درسنا اللى فات عن
( صيغ المستقبل Future Tense )
واخدنا اول جزء فيها وهو الفعل المساعد ( will )
درسنا النهارده بيتكلم عن 

-----------------------------------------
ثانيآ : الفعل المساعد would
اولا خلينا نتفق على حاجه مهمه ( ان الفعل المساعد would استخداماته فى اللغه الانجليزيه كثيره جدآ قد تفوق الفعل المساعد will ) فى التعبير عن المستقبل
* استخدامات الفعل المساعد would *
1- يستخدم الفعل المساعد would  للتعبير عن عزم او نية او قصد would للقيام بفعل شئ
لكن هنا would اقوى من will  فى الاستخدام ده
مثال
انا سوف ادرس جيدآ // i would study well
شوفوا هنا هو ناوى يذاكر جيدآ ( عمل عازم على فعله )
تعالوا هقولكم حاجه برضه مهمه
انا ممكن اقول المثال ده بنفس الطريقه  بس بأسلوب اخر
انا سوف ادرس جيدآ // i will study well
ايه الفرق يا ميس ؟؟؟ ... تعالوا اقولكم
تخيلوا معايا كده لو انت شخص عاوز ينجح لأنه لازم ينجح هيبقى لازم يذاكر فهيقول
i would study well هنا هيقولها بحماس وتأكيد انه هيذاكر وهيذاكر بجد واجتهاد
اما بقى لو انت شخص كسول فهتنوى انك تذاكر ايوة بس هتقولها بالصيغه دى
i will study well
هاااااا فهمتوا قصدى ؟؟؟ ... اكيد كلنا الشخص ده i would study well ؟؟
اكيد انشاء الله
-------------------------
2- يستخدم الفعل المساعد would  للتعبير عن طلب مهذب فى صيغة السؤال فقط
مثال
ماذا تريد ان تشرب // what would you drink
هنا ممكن تقول الجمله بتهذيب اكيد
طيب لو انا سمعت الجمله ( بأقل تهذيبآ )
زى كده // what will you drink?
هاا شايفين الفرق ؟ خدوا بالكم الفرق مش هيبان كتابيآ بس ممكن يبان لفظيآ
الجمله واحده لكن طريقة لفظها هيفرق فى معناها
وانا بكتب بس ده عشان اوضح الفرق بين would وو will
-----------------------------
3-  يستخدم الفعل المساعد would  للتعبير عن الرفض الشديد refusal وده فى حالة النفى  فقط
مثال
احمد لن يساعدك حتى لو توسلت اليه
ahmad would not help you, even if you begged him
هنا طبعا جملتنا منفيه ... وواضح ان المتحدث عاوز يبين ان الرفض شديد جدآآ
واستخدم هنا  would not للنفى عن الفعل فى الجمله
-------------------------------
هااا الشرح سهل ؟؟ ... سهل انشاء الله
تعالوا دلوقتى ناخد القسم الثالث من صيغ المستقبل وهو

-----------------------------------
ثالثآ / be going to           
القسم ده له قاعده طبعا لازم تتحفظ زيها زى اى قاعده تانيه
* القاعده *
subject + am,is,are + going to + verb.1 + object 
تعالوا نشوف ترجمة كل جزء من القاعده دى بالترتيب من اليمين للشمال
مفعول به او اسم مجرور + الفعل فى تصريفه الاول + going to + am,is,are + الفاعل
-------------------------
* ببساطه ايه هى استخدامات be going to *
بيستخدم للتعبير عن المستقبل القريب  near future
للتوضيح بالعربيه العاميه ( بنستخدمه اما بنكون عاوزين نتكلم عن اننا هنقوم  بعمل معين بس هيكون بعد لحظات قليله )
بالاختصار كلمة ( going to ) بمعنى (سوف أفعل ) وهنا كلمة افعل ممكن تتغير بأى فعل مثل سوف اآكل او سوف اجرى او سوف اذاكر
يعنى ايه مش فاهمين يا ميس ؟؟؟
تعالوا نفهم الكلام ده بمثال بسيط
مثال
 الجرس يدق . انا سأفتح الباب
 The bell is ringing i am going to open the door
تعالوا بقى نشوف شرح المثال ده
اولا لازم بعد ما لاقينا going to وعرفنا ان الجمله فى زمن المستقبل
نشوف القاعده مكتمله والا لأ
 ال  subject موجود ( i ) + الافعال المساعده ( am,is,are موجود منها am ) + الفعل المساعد (  going to موجود ) + الفعل فى تصريفه الاول موجود ( open ) + المفعول به  موجود (  the door ) وهنا طبعا جاى على شكل اسم مجرور
هاااااا قاعدتنا كامله ؟؟ .. ايوه طبعا
نيجى بقى لوجود going to  فى الجمله
هنا المتحدث استخدم الفعل المساعد ده فى انه هيقوم بعمل ايآ كان العمل وكمان لو لاحظتم العمل ده هيكون بعد مده قليله صحيح هى فى المستقبل لكن طبعا المستقبل القريب
 --------------------------
تعالوا ناخد معلومه مهمه عشان اكيد هيختلط الامر عليكم فيها قبل ما انهى الدرس
لو انا جيت قلت
مثلا
انا ذاهب الى السينما // I am going to the cinema
شايفين هنا المتحدث واضح من كلامه انه خلاص عازم الامر وذاهب للسينما
فأستخدم فى الجمله going to
لكن لو قلتها بالطريقه دى
انا سوف اذهب الى السينما // I am going to go to the cinema
شايفين هنا الترجمة اتغيرت ازاى !!
هنا المتحدث ناوى يذهب للسينما بس مش عارفين امتى
وكمان ملاحظين هنا استخدم ايه going to go to
ايه حاجه تلغبط شويه ؟؟؟
لألأ متستغربوش
احنا قلنا ايه ان الفعل المساعد going to مجرد فعل مساعد بمعنى ( سوف افعل )
مالوش علاقه طبعا بالفعل اللى فى الجمله
طيب ايه فعلنا مادام going to مش هو الفعل ؟؟؟
اقولكم ( go to ) هو الفعل بمعنى ( اذهب )
* معلومه1 *
فى اللغه الامريكيه بيستخدموا going to اكثر من will فى لغتهم
* معلومه2*
فى اللغه العاميه الامريكيه بيختصروا احيانا الفعل going to الى gonna ويمكن تسمعوا الكلمه دى فى الافلام الامريكيه
مثال
أنا سوف أذهب إلى السينما // i am gonna go to the cinema
شايفين هنا استخدمنا gonna اهى وكمان معاها الفعل فى الجمله اللى هو go to
-----------------------------------------
الدرس سهل ؟؟؟ .. سهل انشاء الله
---------------------------
كفايه لحد كده وتابعونى المحاضره الجايه
مع الجزء الثالث من (صيغ المستقبل Future Tense  )
( المستقبل البسيط Future Simple )
هيكون درس ممتع جدآآ انشاء الله
اســــتــــنــــونــــــى وتـــــابــــعــــونــــى
بــــالـــــتــــوفـــــيـــــق
--------------------------------------
مستنيه اسئلتكم واستفسارتكم اسفل المشاركه
لا تبخلون على بتعليقاتكم