اتكلمنا فى درسنا اللى فات عن
( الماضى التام Past Perfect )
درسنا النهارده بيتكلم عن
رابعآ : الماضى التام المستمر Past Perfect Progressive
* تعالوا نشوف قاعدته او صيغته بتكتب ازاى *
Subject + had + been + Verb- ing + Object
ترجمتهم من اليمين للشمال
مفعول به او اسم مجرور + الفعل و ing + been + had + فاعل
------------------------------
بعد ما عرفنا صيغة القاعده لازم نعرف شئ مهم ان الزمن ده استخداماته قليله جدآ
* شروط يجب توافرها فى الجمل التى تأتى فى زمن الماضى التام المستمر *
------------------------------
1- لا تأتى جملة الماضى التام المستمر الا بوجود جملتين بينهم رابط وهو
( after , before , when ) واحيانا ( untel ) ... عرفنا طبعا ترجمتهم قبل كده
شرط اذا كانت الجمله الاولى ماضى بسيط يجب ان تكون الجمله الثانيه ماضى تام مستمر
اخدنا برضه الروابط دى قبل كده فى زمن الماضى التام ... صح ؟؟؟
ايوة صح طيب بعد شويه هنعرف ايه الفرق بينهم
تعالوا الاول ناخد امثله عالكلام اللى فات ده عشان نفهمه
مثال1
هى كانت تتكلم طيلة نصف ساعه قبل ان تتوقف
she had been talking for half an hour befor she stopped
تعالوا بقى نشوف شرح المثال بالراحه كده عشان تفهموا قصدى
مبدأيا حد هيقوللى طيب ما هو نفس الكلام ده فهمناه فى زمن الماضى التام يا ميس !!!
مظبوط كده بس خدوا بالكم من حاجه
صحيح هو نفس الشرح بسسس هنا زمن يختلف فى قاعدته يعنى لازم اشوف الاول اكتمال قاعدة زمن الماضى التام المستمر مكتمله والا لأ ؟
تعالوا نشوف
من القاعده لازم يتوفر عندى
الفاعل موجود ( she ) - وكمان had موجوده - وكمان been موجوده - وكمان الفعل ومعاه ing موجود talking - وكمان المفعول به موجود ( for half an hour )
يبقى بالفعل اركان قاعدتنا مكتمله
طيب فين الجملتين دول يا ميس ؟؟؟
اقولكم
الجمله الاولى / she had been talking for half an hour
طبعا الجمله دى فى زمن لأنها متوفر فيها شروط قاعدة الزمن ده
وخدوا بالكم انا ازاى بقسمهم لجملتين
بقسمهم بالفعلين اللى فى الجمله
يعنى عندى ( talking ) هو فعل طبعا وموجود فى الجله الاولى وطبعا نهايتها هى كلمة الربط اللى هى befor
والفعل الثانى اللى هو ( stopped ) طبعا ده موجود فى الجمله الثانيه
اظن بقى دلوقتى نقدر نطلع جملتنا الثانيه // she stopped
وطبعا الجمله دى فى زمن الماضى البسيط لأنها متوفر فيها شروط قاعدة الزمن ده
طيب وكلمة الربط // befor
اذا بعد كل ده نتأكد ان جملتنا فى زمن الماضى التام المستمر
------------------------------
مثال2
هو غادر الى مصر بعد ان كان يدرس فى الجامعه لأكثر من سنه
he left to egypt after he had been teaching at the university for
more than a year.
طبعا الفعلين اللى بيحددوللى الجملتين موجودين
الاولى left
جملتها كامله / he left to egypt
والجمله دى فى زمن الماضى البسيط لأنها متوفر فيها شروط قاعدة الزمن ده
والفعل الثانى teaching
وجملته هى // he had been teaching at the university
for more than ayear
طبعا الجمله دى فى زمن لأنها متوفر فيها شروط قاعدة الزمن ده
طيب وكلمة الربط بينهم اللى هتوضحللى ان فعلا الجملة كلها فى زمن الماضى التام المستمر هتكون ( after )
اظن لحد كده الموضوع سهل ؟؟ ..... سهل انشاء الله
-------------------------------------
دلوقتى بقى تعالوا نفهم حاجه مهمه اكيد احتارتوا فيها وه
* الفرق بين الماضى التام والمماضى التام المستمر *
قولنا قبل كده ان الماضى التام يدل على عمل ما حدث قبل حدوث عمل آخر في الماضي، أما الماضي التام المستمر فيدل على عمل ما بدأ فى الماضى واستمر لفتره من الزمن
مثال
for five days لخمسة ايام
for three years لثلاث سنوات
هنا طبعا المثال مش واضح بس واضح ان الكلام عن فعل حدث واستمر لسنوات او ايام ... الخ
طيب تعالوا ناخد مثال كامل عشان نفهم
جملتين هنشوف الفرق فيهم بين الماضى التام والماضى التام المستمر
الجمله الاولى
هم لم يقابلوا مصرى حتى قابلوا احمد
they had not met an egyptian untel they met ahmad --------
الجمله الثانيه
هم كانوا يتكلمون لمدة ساعه قبل ان يصل احمد
they had been talking for an hourbefor ahmad arrived
الشرح
فى الجمله الاولى هى فى زمن الماضى التام ليه ؟؟
لأن العمل الاول بدأ فى الماضى ( هم لم يقابلوا ) والفعل انتهى قبل ما يبدأ العمل التانى
اى هم لم يقابلوا مصر قبل ان يقابلوا احمد
اما الجمله الثانيه هى فى زمن الماضى التام المستمر لأ العمل الاول هم كانوا يتكلمون
بدأ فى الماضى واستر لمدة ساعه واحده وانتهى ثم بدأ العمل الثانى هم قابلوا احمد
اى تكلموا لمدة ساعه قبل وصول احمد
-----------------------------
وكمان اكتر حاجه بتبين الازمنه لازم تحفظوها كويس جدآآآآآآ
هى قواعد كل زمن
منها بنقدر نعرف جملتنا فى اى زمن
اعتقد درسنا بسيط جدآ النهارده
----------------------------------
الشرح سهل ؟؟؟ ... سهل انشاء الله
-----------------------------------------
كفايه لحد كده وتابعونى المحاضره الجايه
مع (صيغ المستقبل Future Tense )
هيكون درس ممتع جدآآ انشاء الله
اســــتــــنــــونــــــى وتـــــابــــعــــونــــى
بــــالـــــتــــوفـــــيـــــق
--------------------------------------
مستنيه اسئلتكم واستفسارتكم اسفل المشاركه
لا تبخلون على بتعليقاتكم