( صيغ الماضى Past Tense واخدنا اول جزء فيها وكان الماضى البسيط Past Simple وكمان اخدنا الفرق بين الماضى البسيط والحاضر التام )
---------------------------
درسنا النهارده بيتكلم عن
ثانيآ : الماضى المستمر Past Progressive
* صيغته تكتب هكذا او قاعدته تكتب هكذا *
Subject + was-were + verb-ing + object
ترجمتهم العربيه من اليمين للشمال
( مفعول به او اسم مجرور + الفعل و ing
+ was و were + الفاعل ) -------------------------------- خدوا بالكم يا جماعه اذا هتسالونى مرة ايه فايدة القواعد اللى بتكتبيها دى فى اللغه ؟؟ اقولكم // القواعد دى بتفيد دارس اللغه فى كتابة البراجرافات وكمان عشان تنطق الجمل بشكل صحيح واوقات لو اختلفت كلمة فى اى جمله ونطقتها غلط بتغير مفهوم الجمله تماما فخلينا نتفق ان القواعد دى فى شرح الازمنه مهمة جدآآآآ ------------------------------- * طيب تعالوا بقى ناخد تعريف الزمن ده واستخداماته وامثله عليه * 1- يستخدم للتعبير عن عمل ما يحدث فى الماضى ثم انقطع بسبب حدوث عمل اخر ويجب ان يحتوى هذا النوع من الجمل على كلمتين هما ( when ، while )والاثنين يعطونا نفس المعنى فى الجمله وهو ( بينما ) هنفهم التعريف ده اكتر بأمثله ------------------ مثال1 بينما كنت انتظر الاتوبيس ، بدأت تمطر while I was waiting for the bus, it started raining تعالوا بقى نفهم المثال بالراحه كدا مع بعض هنا كان الشخص واقف مستنى الاتوبيس ده حدث بيحصل صح ؟؟ ايوه صح .. ايه اللى حصل وهو واقف ؟؟ الدنيا مطرت ... وده حدث تانى طبيعى انه يقطع الحدث الاول لأنه اقوى بالطبع وده هيبان حتى من صياغة الجمله نفسها
وكمان ... شايفين كلمة ( بينما ) فى الجمله العربيه ... يقابلها ( while ) فى جملة الانجليزيه طيب تعالوا نشوف اركان قاعدة الماضى المستمر موجوده والا لأ الفاعل ( I ) موجود + was و were موجوده ( was ) + الفعل و ing موجود ( waiting) + مفعول به موجود ( thebus ) اذا اركان القاعده كلها موجوده وزياده عليها كلمة ( while ) اللى هى من ضمن تعريفات الزمن ده ---------------------------- مثال2 كنت اشاهد التلفزيون عندما صرخت i was watching the tv when she cried
هنا فى جملة العربيه ( عندما ) يقابلها ( when ) فى جملة الانجليزيه
وكمان اركان القاعده كلها كامله
الفاعل ( I ) موجود + was و were موجوده ( was ) + الفعل و ing موجود ( watching) + مفعول به موجود ( thetv )
هااا سهله ؟؟ ... سهلة انشاء الله
------------------------------------
2- يستخدم هذا الزمن للتعبير عن عملين يحدثان في الوقت نفسه في الماضى وبيكون ذلك على شكل جملتين يربطهما ( while ) شرط ان يكونوا الجملتين فى زمن الماضى المستمر
مثال
كنت ادرس بينما كان احمد يعد العشاء
I was studying while ahmad was making dinner
هنا جملتنا اتقسمت لجملتين مع انهم فى الاساس جمله واحده بس هى اتقسمت لفعلين او حدثين
وارتبطوا ببعض بكلمة ( while ) طيب اساسهم ايه تعالوا نشوف كده
كنت ادرس / I was studying
كان احمد يعد العشاء / ahmad was making dinner
هاا شايفين هما فى الاساس جملتين فعليتين ... مين ربطهم ؟؟؟ ... ( بينما while )
طيب جملتنا ياميس هنعرف منين اذا كانت فى زمن الماضى المستمر؟؟؟
اقولكم / اذا توفرت اركان قاعدتها هنعرف انها ماضى مستمر
تعالوا نشوف كده
الفاعل موجود ( was + ( i و were موجوده ( was ) + الفعل و ing موجود ( studying ) + مفعول به موجود ( dinner )