إختصارات الضمائر وبعض المصطلحات فى اللغة الإنجليزية

اتكلمنا فى درسنا اللى فات عن

( الفرق بين الحاضر التام والحاضر البسيط  - وكمان اخدنا الحاضر التام المستمر Present Perfect Progressive )

---------------------------

درسنا النهارده بيتكلم عن

ثانيآ : صيغ الماضى Past Tense

طبعا كل اللى اخدناه سابقا كان (صيغ الحاضر )

--------------------------------

طيب تعالوا قبل ما ناخد درسنا النهارده نعرف حاجه مهمه

* سؤال ؟؟؟ *

ايه الفرق بين الحاضر المستمر والحاضر التام المستمر اخدناهم بالنقاصيل فى دروس سابقه ؟؟؟؟؟

تعالوا نتعرف على الفروق دى وخدوا بالكم انا بشرحها برضه عشان ده بيسهل عليكم تفهموا الازمنه كويس

----------------------------

* الاجابه *

1- احنا بنستخدم الحاضر التام المستمر عند وجود فترة زمنيه هى فترة البدايه وقولنا بنستخدم مع الزمن ده ( since - for )

اما الحاضر المستمر فليس له فتره زمنيه محدده

تعالوا بقى نعرف الفرق ده بجملتين نشوف الفرق بينهم

I am playing football for an hourانا العب كرة القدم لمدة ساعه

الاخرى

I have been playing football for an hour

لقد لعب كرة القدم لمدة ساعة

طيب لو لاحظتم الجملتين الاولى هتلاقوها صحيح فيها كلمة ( for بمعنى منذ )

بس اركان زمن الحاضر المستمر مش كامله

الجمله الثانيه هى الاصح لأنها فيها اركان الحاضر المستمر كامله

--------------------------------------------

نيجى بقى لدرسنا النهارده وهو

ثانيآ : صيغ الماضى Past Tense

----------------------------

هناخده مقسم تماما مثل صيغ الحاضر

نبدأ علطول

اولا : الماضى البسيط Past Simple

تعريفه هو زمن يستخدم لتوضيح ان الفعل حدث فى الماضى

* قاعدته *

Object + Verb.2 + Subject

تعرفاتهم من اليمين لليسار

مفعول به او اسم مجرور + الفعل فى تصريفه الثانى + الفاعل

--------------------------

مثال1

طيب تعالوا ناخد امثله نفهم بيها الزمن ده

انا عملت فى المانيا / i worked in Germany

شوفتوا الفعل واضح خالص هنا انه فى الماضى ( عملت تعنى worked )

وطبعا احنا خلاص بقينا عارفين ان الفعل اما بيكون فى تصريفه الثانى ... اى فى الزمن الماضى وده بيكون بأضافة ( ed ) للفعل

----------------------------

مثال2

نحن ذهبنا الى السينما البارحه / we went to the cinema yesterday 

شايفين كلمة ذهبنا فى جملة العربيه .. يقابلها went  فى جملة الانجليزيه

وطبعا كلنا عارفين ان went  هى الماضى او التصريف الثانى لفعل ( go ) اللى بمعنى يذهب وهو من الافعال الشاذه .. وطبعا احنا كلناحفظنا كويس الافعال الشاذه

---------------------------

مثال3

 انا رأيت فيلما البارحه / I saw a movie yesterday

فى المثال برضه عندنا ( رأيت ) فى جملة العربيه .. يقابلها ( saw ) فى جملة الانجليزيه

وبرضه كلنا عارفين ان saw هى الماضى لفعل see 

واظن اركان القاعده كلها موجوده

الفعال ( i ) + الفعل فى تصريفه الثانى ( saw ) +  المفعول به ( movie )

هاا كاملة وواضحه ؟؟؟ ... اكيد انشاء الله

---------------------------------

* استخدامات الماضى البسيط Past Simple *

1- يستخدم لتوضيح ان الفعل بدأ فى الماضى وانتهى ايضآ فى الماضى

طيب فيه اى كلمات نفهم منها الاستخدام ده ؟

ايوه .... احيانا بيأتى فى الجمله الكلمات دى

البارحه yesterday - طول اليوم from - to - for -  all day - طول السنه all year

الاسبوع الماضى last week - من سنه واحده مضت last -  one year ago

ذلك اليوم that day - فى تلك اللحظه at that moment

----------------

مثال1

انا عملت فى كندا منذ عام 1990 الى 1995

 I worked in Canada from 1990 to 1995

شوفوا هنا الفعل ( worked ) حدث فى الماضى وانتهى برضه فى الماضى

----------------

مثال2

هو عاش فى مصر لمدة سنتين

He lived in egypt for two years

هنا الفعل حدث وانتهى هو طبعا كان عايش فى مصر ولكنه تركها نهائيا

وخدوا بالكم كلمة ( لمدة ) فى العربيه يقابلها ( for ) فى جملة الانجليزيه

----------------------

2- يستخدم ايضا زمن الماضى البسيط للتعبير عن احداث متسلسله حدثت بالماضى

مثال1

انا انهيت عملى وتمشيت على الشاطئ ووجدت مكانا رائعا للسباحه

I finished my work, walked to the beach, and found

a nice place to swim. 

شوفوا هنا اللى بيتكلم حكى احداث حصلتله ورا بعض وكلها فى الماضى

انهيت - تمشيت - وجدت

finished -  walked - found

هاااا لحد كده الشرح سهل ؟؟ ..  سهل انشاء الله

-----------------------------

طيب تعالوا نفهم حاجه مهمه

حد هيجى فى باله ان فيه تشابه شويه بين الازمنه فى الماضى والحاضر

مثلا

الفرق بين الماضى البسيط والحاضر التام

بما ان فيه تشابه شويه بين استخداماتهم وتعريفاتهم

تعالوا نتعرف مع بعض على الفرق بينهم

* الفرق بين الماضى البسيط والحاضر التام *

1- احنا بنستخدم الماضى البسيط للتركيز على العمل او وقت حدوثه وليس اثره

مثال

هو كسر ساقها فى الساعه الرابعه/ He broke her leg at four o'clock

شوفوا هنا الواضح من الجمله انه عاوز يوضح (وقت ) كسر ساقها

طيب هنا فى الجمله دى

لقد كسَر ساقها / He's broken her leg

فى المثال ده ( صحيح الفعل بدأ فى الماضى وانتهى .. ولكن هنا اللى بيتكلم عاوز يوضح اثار كسر ساقها .. اى الالام المترتبه على كسر ساقها )

---------------

2- قولنا اننا بنستخدم الحاضر التام للتعبير عن فعل حصل مؤخرآ ولكن حديثا

وده بقى هنشوفه فى فرق بين جملتين

 هل تناولت الفطور لتوك ؟ / Have you just had breakfast?

هل تناولت الفطور هذا الصباح ؟ / Did you have breakfast this morning?

فى الجمله الاولى ( السائل بيسال عن انه تناول فطوره مؤخرآ ويوضح انه تناول فطوره ولكن متأخرا )

اما الجمله الثانيه ( فهى سؤال عادى بيسأل عن اذا ما كان تناول فطوره ام لا ... ولاحظوا كده هو بيسأل عن التوقيت ( هذا الصباح )

------------------------------
اظن الدرس سهل ؟؟؟ ... سهل انشاء الله
كفايه لحد كده وتابعونى المحاضره الجايه
مع الجزء الثانى من (صيغ الماضى)
( هناخد الماضى المستمرPast Progressive )
( وكمان هناخد الفرق بين الحاضر التام المستمر والماضى المستمر)
اســــتــــنــــونــــــى وتـــــابــــعــــونــــى
بــــالـــــتــــوفـــــيـــــق
--------------------------------------
مستنيه اسئلتكم واستفسارتكم اسفل المشاركه
لا تبخلون على بتعليقاتكم