درسنا اليوم بيتكلم عن
حالات اعراب الاسم Case of Nouns
------------------------------------
حالات اعراب الاسم Case of Nouns
------------------------------------
يمكن احنا اتكلمنا عنهم قبل كدة بس مكنش شرح كامل ليهم
تعالوا بينا النهاردة نفهم يعنى ايه اعرب الاسماء بس فى اللغه الانجليزيه ؟؟؟
----------------------------------
اعراب الاسماء فى اللغه الانجليزيه بيكون له ثلاث حالات
هم
( حالة الرفع - حالة النصب والجر - حالة الاضافة الملكية )
تعالوا بينا ناخدهم ونفهمهم كلآ على حدا
------------------------------------------------
اولا : حالة الرفع Nominative وتقرأ ( نومينيتف ) بتعطيش الفاء
--------------------------------
الحالة دى بيكون الاسم هو الفاعل للفعل
مثال
الولد كسر النافذه
The boy broke the window
هنا ( الولد ) هو الفاعل فبالتالى بنعرف منه ان دى حالة الرفع
هنا يقابلها فى اللغه العربيه ( فاعل مرفوع )
---------
وايضا فى حالة الرفع
بيكون الفاعل مجرد تكملة للفعل
مثل الخبر فى اللغه العربية تماما
مثال
هذا الرجل يكون ابى
This man is my father
او هذا الرجل هو ابى
--------------------------------
الجملتين بنفس المعنى
**********************************
تعالوا معايا هنا عشان المثال ده محتاج توضيح شوية
اولا خلينا نتفق ان الجملتين العربيتين السابقين ترجمتهم بتكون واحدة
لكن
---------------------
هنا لو انا هتكلم عن المثال ( مترجم للغه العربيه )
هيكون ( الرجل ) فى الجملة هو المبتدأ مرفوع و( ابى ) هو الخبر مرفوع
اما لو هنتكلم عن الجملة دون ترجمه اى باللغه الانجليزيه
هيكون ( الرجل هو فاعل ) و ( الفعل هو يكون ) و ( المفعول به هو أبى )
هاا لاحظتوا الفرق بين شرح الجملتين ( بالعربية او بالانجليزيه ) ؟؟؟
لكن مع كل هذا لا نففرق ابدآ بين الجملتين
والنتيجة هى ان هنا الفاعل مجرد تكملة للفعل او الحدث
مثل الخبر فى جملة اللغه العربية
-----------------------------
* ملحوظه *
الجمل السابقة بالطبع بيتم اعرابها ( كأسم مرفوع ) مهما اختلف موقعها او شكلها فى الجملة
-----------------------------------------
ثانيآ : حالة النصب والجر Object
---------------------------------
الحالة دى بيكون الاسم فيها له ثلاث اشكال
1- بيكون الاسم ( مفعول مباشر للفعل )
مثال
الولد كسر النافذه / The boy broke the window
هنا الاسم المجرور عندى هو ( النافذة the window )
وهو لو لاحظتم برضه مفعول به
2- بيكون الاسم ( مفعول به لحرف جر )
مثال
ضع فنجانك على الطاولة / Put your cup on the table
شايفين هنا المفعول به اللى هو ( the table ) هو برضه مجرور بعد حرف الجر ( on )
3- بيكون الاسم كظرف زمان
مثال
هو أتى الامس / He came yesterday
هنا المفعول به موجود فى الجملة كظرف زمان
-----------------
* ملحوظه *
وكل الجمل السابقة بالطبع بيتم اعرابها ( كأسم مجرور ) مهما اختلف موقعها او شكلها فى الجملة
---------------------------------------------
ثالثآ : حالة الاضافة ( الملكية ) Possessive
------------------------------------
الحالة دى لذيذه جدآ من وجهة نظرى ... ليه ؟؟
لأننا فى ايام المدارس كنا بنشوف اسماء مكتوبة بطرق معينة ومكناش بنعرف ليه مكتوبه كده او ايه الاحرف او الفواصل المضافة للأسماء
تعالوا بينا نتعرف عليهم مع بعض
-------------------------------------
شايفين الجملة دى ؟
ثوب الفتاة
the girl's dress
طبعا الكل عارف هنا ( 's ) هنا معناها ايه ؟؟
الكل هيقول هى اختصار لــ ( is ) مظبوط ؟؟؟
ايوة طبعا انا كمان معاكو فى الشرح ده
بس استنونى شويه وتابعونى كده فى اللى جاى
مثال
ثياب الفتيات
the girls' dresses
هااا شايفين ايه ؟؟
ايوة فيه اختلاف بين الجملتين وهو ( s' والجملة اللى قبلها 's )
طيب ايه الفرق يا مس ؟؟
تعالوا اقولكم
-----------------------------
احنا بس خلينا نتفق على ان حالة الاضافة ( الملكية ) Possessive
بتكون على طريقتين هما::
----------------------
الطريقة الاولى : طريقة ( X'S Y )
يعنى ايه الطريقة دى ؟
الــ X تعنى الاسم ومضاف اليه فاصلة ( ' ) وحرف الـ ( S ) ويليها باقى الجملة
وده بيكون فى حالتين
********************
الاولى : الاسم فى حالة المفرد
بيجى بعده ( 's ) اللى هى اختصار لــ ( is )
زى الجملة دى
the girl's dress
ده فى حالة المفرد فقط
مثال اخر
مسرحيات شكسبير / Shakespeare's plays
--------------------
الحالة الثانية : فهى فى حالة الجمع
ودى بيكون الاسم فيها مكتوب بالشكل ده ( s' )
ودى بتتم بأضافة الفاصلة ( ' ) فقط في آخر الاسم بشرط ان يكون الجمع مصاغ باضافة
( s - es )
زى المثال ده the girls' dresses
شايفين هنا البنات اسم جمع ( طيب عرفت منين انه جمع ؟؟
بأضافة الفاصلة دى ( ' ) فى اخر الاسم
مثال اخر
كتب الاولاد / the boys' books
هنا حطينا الفاصلة ( ' ) بعد اسم الجمع والشرط بتاعنا موجود ان كلمة ( books ) اخرها الحرف ( s )
***********
طيب اذا كان الجمع غير مصاغ ب ( s - es ) ؟؟؟
وقتها نتعامل مع الاسم معاملة المفرد
مثال
غرفة الرجال / the men's room
هنا الفاعل اللى هو ( men ) غير منتهى باى من هؤلاء ( s - es )
عشان كدة اضفنا الفاصلة ( ' ) وبعدها حرف ( s )
------------------------
الطريقة الثانية : طريقة ( Y OF X )
***************************
هذه الطريقة تكتب بأستخدام الحرف الجر ( of ) ويكون كحرف جر بين المضاف والمضاف اليه
طيب واخدين بالكم من اننا قولنا هنا الطريقة تكتب هكذا ( Y OF X )
هنا عكسنا قولنا Y تكتب اولا ويليها X
مثال
اسماء المهندسين / names of the engineers
شايفين هنا حرف الجر جاء معاه الجملة بطريقة عكسية
-----------------------------------
طيب تعالوا نعرف استخدامات طريقة ( X'S Y )
وكمان استخدامات طريقة ( Y OF X )
***************************
تستخدم طريقة ( X'S Y )
مع الاسماء التى تدل على الكائنات الحية
مثال
ذيل القطة / tail acat's ( طبعا القطة كائن حى )
----------------------------
تستخدم ( Y OF X )
مع الاسماء التى تدل على الجمادات
مثال
ساق الطاولة / the table's leg
-----------------------------------
الدرس انتهى لليوم
درسنا القادم هيكون عن ( الصفات )
اســــتــــــنـــــــونــــــى وتـــــــابـــــعــــــونـــــــى
بــــــالــــتـــوفــــيــــق