إختصارات الضمائر وبعض المصطلحات فى اللغة الإنجليزية

درسنا اليوم بيتكلم عن

( التذكير والتأنيث فى اللغه الانجليزيه Gender )
-----------------------------------------------
انا قلت قبل كده ان مفيش فى اللغه الانجليزيه تذكير او تأنيث
وده انا ذكرته فى معلومات غير مفصلة ... خلينا ناخد الدرس ده بالتفاصيل
وتعالوا دلوقتى نفهم .... يعنى ايه مفيش فى اللغه الانجليزيه تذكير او تأنتيث ؟؟؟
فيه حد هيسألنى سؤال بيطرح نفسه ... امال يا مس نودى لو معندناش تذكير او تأنيث ازاى بقى اما اقول اسم احمد او اسم منى فى اى جملة مش دول برضه اسمهم تذكير وتأنيث ؟؟؟؟!!!
----------------------------
صح كلامكم  .. بس انا قلت مفيش قاعدة اساسية فى اللغه الانجليزيه بتقول ان جملة الأنجليزيه تحتوى على تذكير او تأنيث وخدوا بالكم انا بقول مفيش قاعده اساسية مقولتش ( مفيش نهائى )
تذكير او تأنيث
لكن فيه حاجه احنا بنقدر نفهم منها اذا كان عندنا تذكير او تأنيث فى الجمله
هى ( الجنس ) او المقصود منها (النوع )
ازاى ؟؟؟
يمكن تقسيم الاسماء فى اللغه الانجليزيه من حيث الجنس الى اربع فئات هما ::
-------------------------------------------
الاول : المذكر masculine او بالاحرى الاسم الدارج فى اللغه male
------------------------------------------------------
فيه اسماء فى اللغه الانجليزيه تدل على ان نوع الاسم ده ( مذكر )
زى ايه ؟؟
اسماء تستخدم للمذكر فقط
**************
اخ brother - اب father - رجل man - عم او خال uncle - ابن son
زوج husband - امير prince ..... etc
شايفين هنا مش اسامى محددة زى مثلا ( احمد او ابراهيم او مايكل ... الخ )
لأ هنا مجرد اسم واحنا منه بنفهم ( جنس او نوع ) الاسم ده ايه
مثال ( father ) هنا طبعا عارفين ان نوع الاب بيكون ( رجل ) اكيد
طيب احنا برضه ممكن نستبدل اى اسم منهم بضمير الرفع ( he ) او ضمير النصب والجر ( him ) وبرضه وقتها هيكون واضح نوع الاسم ايه
اظن وضحت الفكرة تماما ؟؟ .. واضحة انشاء الله
------------------------------------
القسم الثانى : المؤنث feminine او بالاحرى الاسم الدارج فى اللغه female
    -----------------------------------------
زى ايه ؟؟
اسماء تستخدم للمؤنث فقط
***********************
ام mother - اخت sister - امرأة woman - ابنة daughter - اميرة princess
بنت girl ...... etc
شايفين هنا الكلمات دى تصلح للمؤنث فقط وواضح من الاسم ( نوع ) الاسم ايه
مؤنث طبعا ولا يصح ان تقال لنوع غيره
وممكن برضه نستبدل الاسم بضمير الرفع ( she ) او بضمير النصب والجر ( her )
الاتنين هيدونا نفس التعبير اننا برضه بنفهم منهم ان نوع الاسم مؤنث
مثال
هى قالت ذلك / She said that
شايفين هنا مفيش اسم واضح زى مثلا ( علا او عبير او منى ... الخ )
لكن احنا فاهمين ان الكلام على (  مؤنثه )
-------------------------------------
القسم الثالث : غير العاقل
كلنا طبعا عارفين الغير عاقل بيطلق على ايه ؟؟
بيطلق طبعا على الجماد والحيوان او اسماء المدن او الصحف والمجلات .. الخ
مثال
قطة cat - مدينة city - قلم pen .... etc
وغير العاقل يمكن استبدال الاسم بضميره فى حالة النصب والرفع والجر( it )
-------------------------------------
القسم الرابع : الاسماء المختلطه
وانواع الاسماء دى المقصود منها الغير معروف نوعها او جنسها
مثال
لو عاوزة اقول ( doctor ) الاسم ده بيطلق على المذكر والمؤنث فى المهنة دى
كمان ( friend ) فى العموم وليس الخصوص كلمة بتطلق على الجنسين من الاصدقاء
وكمان ( judge ) تطلق للقاضى والقاضية من نفس المهنة
وايضآ ( cousin ) تطلق على ابن العم أو بنت العم أو بن الخال أو بنت الخال

-------------------------------------
* ملحوظه 1 *
فيه طبعا اسماء بتطلق على المذكر وبالمقابل ليها اسماء تطلق على المؤنث
ودى بتكون واضحة ملهاش اى اسماء او معانى اخرى
مثال
زوج husband - زوجة wife
اخ brother - اخت sister
صديق boyfriend - صديقة girlfriend
رجل man - امرأة woman
عم او خال uncle - عمة او خالة aunt
سيد sir - مدام madam
....الخ
---------------------------------------
*ملحوظه 2 *
تعتبر كل اسماء الدول والمدن اسماء مؤنثة فقط فيما عدا
 ( city ) واسم ( country ) دول مينفعش استبدالهم بالضمير ( she )
ولكن بيتم استبدالهم بالضمير ( it )
-------------------------------------------
اظن بكده وضحت الفكرة ( ليه مفيش قاعده اساسية للمذكر والمؤنث فى اللغه الانجليزيه ؟؟ )
*********************************
الدرس انتهى
درسنا القادم ( حالات الاعراب )
اســــتــــــنـــــــونــــــى وتـــــــابـــــعــــــونـــــــى
بــــــالــــتـــوفــــيــــق